Маладая аршанка на днях атрымала вышэйшае прызнанне з боку ўладаў. На ўрачыстай цырымоніі, якая адбылася ў цэнтральнай бібліятэцы горада, намеснік старшыні Аршанскага райвыканкама Алег Смірноўскі ўручыў 31-гадовай Святлане Бярэзінай ордэн Маці.
Святлана сумесна са сваім мужам Аляксандрам выхоўвае траіх дзяўчынак і траіх хлопчыкаў. У шлюбе маладыя бацькі ўжо 12 гадоў, самай старэйшай дзяўчынцы 10 гадоў, а самаму малодшаму хлопчыку 1,5 гады.
Дадзенай узнагародай у Аршанскім раёне адзначана ўжо 38 маці.
