Дзень 29 студзеня дагэтуль самым цёплым быў у 2002, калі было адзначана 3,5 градуса. А ў 2016-м апынулася на 0,2 градуса вышэй. 30 студзеня ранейшы рэкорд 1995 са значэннем 2,5 градуса быў пабіты адразу на 3 градусы, да + 5,5. І нарэшце ў апошні дзень студзеня, 31-га рэкорд 1995 года са значэннем 3,3 таксама перавышаны на 0,3 градуса ў 2016-м.
Прычынай такіх рэкордаў стаў магутны вынас цяпла з Атлантычнага акіяна. Гэты працэс не спыніцца і ў бліжэйшыя дні. Увесь бягучы тыдзень нас чакае няўстойлівае надвор'е з частымі ападкамі ў выглядзе дажджу і снегу. А тэмпература будзе вагацца ад мінус 3 да + 3 градусаў. Гэта на 8 градусаў вышэй за норму для пачатку лютага.
