Надвор'е 18 сакавіка стварыла значныя непрыемнасці для аўтааматараў. Пасля моцнага мокрага снегу, дарога стала вельмі слізкай, што прывяло да аварыяў. У гадзіну пік амаль у адзін час - каля 18-30 - адразу дзве аварыі з удзелам маршрутных таксі заблакавалі участак вуліцы Міра ад вуліцы Пушкіна і да канца маста праз Аршыцу. На павароце на вуліцу Пушкіна сутыкнуліся легкавушка Шкода і жоўтая Газель, якая ехала ў бок цэнтра па маршруце 1Б. Шкода ўехала ў зад маршрутцы.

У другой аварыі сутыкнулася адразу тры аўтамабіля. Гэтая аварыя адбылася прыблізна ў 50 метрах ад пачатку маста праз Аршыцу па вуліцы Міра з боку цэнтра. Удзельніцай аварыі таксама стала маршрутнае таксі 1Б. Маршрутка ехала з боку цэнтра і ў яе ўрэзаўся Фольксаваген Пасат Б3, а ў яго Фольксваген Пасат Б5. Другая аварыя прывяла да вялікага затору на вуліцы Міра. Некаторыя аўтамабілісты, у тым ліку, пасажырскія аўтобусы разварочваюцца і едуць у аб'езд праз цэнтар. Пакуль не было ДАІ, кіроўцы спрабвалі самі рэгуляваць рух на мосце.

Прыблізна ў гэты ж час у раёне Чаромушак патрапіла аварыя і машына таксі - каля "Еўраопту" яна сутыкнулася з легкавіком.

Акрамя аўтамабілістаў, дасталося ад снегападу энергетыкам - Віцебск энэрга па стане на 16 гадзін паведамляла пра адключэнне ў Аршанскім раёне напрацягу дня 25 трансфарматарных падстанцыяў.