У нядзелю 20-га чысла ў Оршы адбылося два пажары. А 15-47 у МНС паведамілі пра пажар у былой станцыі пералівання крыві. На сённяшні дзень, памяшканне належыць "Оршакамгасу", але аніяк не выкарыстоўваецца. Па словах суседзяў, у будынак даўно павадзіліся лазіць дзеці, якія, магчыма, і ўчынілі выпадковы пажар. Тушыць будынак прыехала адразу некалькі разлікаў МНС - зусім побач знаходзяцца жылыя дамы і пажар мог перакінуцца на іх. Але вагню на пажары было не шмат - больш дыма. Знешніх пашкоджанняў будынак таксама амаль не атрымаў - крыху пашкоджаны дах і столь, але моцна выгарэў унутры.
Другі пажар адбыўся вечарам таго ж дня у блоку гаражэй па вуліцы Першамайская. З шасці гаражэй у двух былі пашкоджаны дахі.
