Моладзевая арганізацыя "Звяз" правяла круглы стол па праблеме скарачэння зялёных насаджэнняў у горадзе з удзелам прадстаўнікоў Інстытута прыродакарыстання Нацыянальнай акадэміі Навук РБ. Па іх заключэнні, Оршы не хапае каля 50 га зялёных насаджэнняў у межах горада па дзеючым нарматывам ў гэтай сферы.
Па гэтай прычыне ініцыятары прапанавалі мясцовым уладам распрацаваць праграму азелянення Оршы з вылучэннем для гэтага тэрыторый у межах горада і правесці па ёй грамадскія слуханні.
Акрамя таго, у сувязі са святкаваннем сусветнага дня здароўя, актывісты прапанавалі падтрымаць акцыю па ачыстцы ад смецця лесапарку па вул. Сямёнава ў раёне крамы «Еўраопт» 9 красавіка 2016 года.
