Турбіна №1 на Аршанскай ТЭЦ за доўгі тэрмін сваёй работы выкарыстала свой рэсурс, але працэс яе замены вельмі складаны і пачаўся яшчэ ў красавіку 2015-га года з яе дэмантажа. Акрамя турбіны знасіліся і патрабавалі замены бойлерная група, трансфарматар ды іншыя рэчы вядомыя толькі спецыялістам. У выніку, запуск новай турбіны ў эксплуатацыю адбыўся толькі 11 сакавіка гэтага года - амаль праз год пасля пачатку работаў.
Новая турбіна мае шэраг перавагаў - яна амаль у два разы мацней за папярэднюю, пры гэтым, значна эканомней - у год эканомія можа скласці каля 4.000 тон умоўнага паліва.
Фота сайта Віцебскэнэрга.
