Орша, Грамадства

Супраць будаўніцтва з адвакатам

13.04.2016 14:16

3802 прагляду, 3 каментара

Жыхары дома па Сямёнава 10 наймаюць адваката, каб спыніць будаўніцтва гандлёвага цэнтру пад сваімі вокнамі

Жыхары дома па адрасе Сямёнава 10 працягваюць змагацца супраць будаўніцтва на газоне побач з домам адмінсітратыўна-гандлёвага аб'екта. 10 красавіка яны правялі сход, дзе абмеркавалі склаўшуюся сітуацыю. Як паведамілі людзям у выканкаме, гэты ўчастак зямлі быў прададзены з аўкцыёну яшчэ ў 2013 годзе, але пра гэты факт яны даведаліся толькі тыдзень таму, калі ўчастак быў абгароджаны для пачатку будаўніцтва. На сходзе людзі падпісалі калектыўныя звароты ў выканкам, аблвыканкам, дзяржакантроль і адміністрацыю прэзідэнта. Але ў райвыканкаме зварот прымаць адмовіліся, матывуючы гэта тым, што ў іх ужо зарэгістраваны ліст на тую ж тэму. Таксама жыхары дома вырашылі ў складчыну наймаць адваката і рыхтаваць дакуманты да падачы ў суд.