Прэс-служба інспекцыі па падатках і зборах вобласці, якая распаўсюдзіла праз свой сайт гэтую інфармацыю, не ўдакладняе пра якое прадпрыемства вядзецца гаворка. Паведамляецца толькі тое, што гэта вытворчае прадпрыемства Аршанскгаа раёна.
У выніку планавай праверкі, якую праводзілі падаткавікі, выяўлены факт несвоечасовага пералічэння ў бюджэт 180 мільёнаў рублёў і няправільны ўлік даходаў. З-за гэтага прадпрыемства не цалкам выплаціла падатак на даданую вартасць і падатак па спрошчанай сістэме. У выніку, прадпрыемству дадаткова налічана 1,5 мільярды рублёў, якія яно павінна будзе ўнесці ў бюджэт.
