Прыезд у Оршу новых рабочых з Кітаю прадугледжаны чарговым пагадненнем паміж Кітаем і Беларуссю, якое апублікавана 7 мая на сайце pravo.by. Пагадненне аформленае ў выглядзе двух лістоў з аднаго боку амбасадара Кітаю ў Беларусі, з другога боку Міністра эканомікі Беларусі, якое прадугледжвае далейшае асваенне кітайскіх, так званых, звязаных крэдытаў. Асаблівасць звязаных крэдытаў у тым, што Беларусь, як краіна якая бярэ пазыку, грошы атрымлівае толькі ўмоўна, насамрэч, краіна атрымлівае паслугі ад крэдытора, але вяртае потым рэальныя грошы.
Паводле гэтага пагаднення, Беларусь заказвае ў кітайцаў будаўніцтва ў Беларусі сацыяльнага жытла. Пры гэтым, кітайскі бок сам прапаноўвае Беларусі спіс кампаніяў да якіх нашыя міністры могуць звярнуцца за заказам. Канешне ж, работнікі на такім будаўніцтве таксама будуць кітайскія.
У Оршы кітайскія будаўнікі ўзвядуць сацыяльны дом на 108 кватэраў у новым мікрараёне па вуліцы Завадскага.
