Спецыяльная мотагрупа ДАІ заступіла на службу ў Віцебскай вобласці. Выконваючы абавязкі намеснік начальніка УДАІ УУС Віцебскага аблвыканкама Павел Мартыненка адзначыў:

"Гэта падраздзяленне створана на базе спецыяльнага ўзвода дарожна-патрульнай службы для барацьбы з парушальнікамі ПДР на мотатранспарце. У склад групы ўваходзяць чатыры прафесійных матацыклісты - нашы супрацоўнікі ДАІ, якія прайшлі навучанне, здалі залікі. У кожнага стаж кіравання такога транспарту не менш 3 гадоў. Яны пазменна нясуць службу на двух матацыклах маркі BMW са спецыяльнай патрульнай размалёўкай і рыштункам. Тэхніка прадастаўлена МУС Беларусі".

Аналагічныя мотагрупы і падраздзяленні ўжо існуюць ў Беларусі. Неабходнасць стварэння падобных мотагруп наспела даўно і звязана з тым, што пачасціліся ДТЗ з удзелам мотатранспарту.

"Гінуць і самі гоншчыкі, і ні ў чым не вінаватыя людзі. Хачу нагадаць выпадак у мінулым годзе, калі ў Віцебску на пешаходным пераходзе матацыкліст здзейсніў наезд на маладую пару, усе трое загінулі. І нядаўняе рэзананснае здарэнне ў Оршы: матацыкліст на вялікай хуткасці ўрэзаўся ў таксі, абодва кіроўцы таксама ня выжылі. З пачатку гэтага года на тэрыторыі вобласці здзейснена 9 ДТЗ з удзелам мотатранспарту, у якіх 3 чалавекі загінулі і 6 атрымалі раненні".

Супрацоўнікі мотагрупы дзяжураць на праблемных кропках і патрулююць вуліцы. Могуць прымяняць фота- і відэафіксацыю. Зона адказнасці двухколавага патруля не абмяжоўваецца горадам, спецгрупа захоплівае і Віцебскі раён, а таксама па патрабаванні выязджае ў абласныя службовыя камандзіроўкі. Часам затрымліваюць і аўтамабілістаў-парушальнікаў, паведамляе БЕЛТА. Адзін з членаў мотогруппы інспектар ДПС Аляксандр Казунко растлумачыў, што галоўная функцыя - фіксаваць парушэнне, затрымліваць вінаватага і складаць адміністрацыйны пратакол. У кіроўцаў-бяспраўнікаў або з асоб неадпаведнымі дакументамі на матацыкл транспартны сродак забіраюць на штрафстаянку. Калі кіроўца не выконвае законных патрабаванняў спыніцца, магчымы і пераслед, але пакуль такіх выпадкаў яшчэ не было. Само з'яўленне мотопатруля ўжо служыць прафілактычным сродкам.

Артыкулы па аршанскай трагедыі з удзелам матацыкла:

Начная трагедыя

Абодва шмат парушалі

Стыхійны мемарыял