Працягваем публікаваць інфармацыю па выніках работы адкрытых акцыйнерных таварыстваў у суседніх з Аршанскім раёнах. Нагадаем, што гэтую інфармацыю размясціла на сваім сайце Міністэрства фінансаў. Раней мы ўжо публікавалі лічбы па Аршанскім, Лёзненскім і Дубровенскім раёнах. Сёння на чарзе Сененскі раён.
З 8 прадпрыемстваў прадстаўленых у табліцы Мінфіна з чыстым прыбыткам скончылі 2015 год тры: Сінегорскае зарабіла 1.866 мільёнаў рублёў, Студзёнка 279 мільёнаў, Белая Ліпа 268 мільёнаў.
Астатнія акцыянерныя таварыствы, нажаль, сыйшлі ў мінус. Прычым, калі больш за мільярд зарабіла ў раёне толькі адно з прыведзеных прадпрыемстваў - Сінегорскае, то з мільярднымі мінусамі скончылі свой год усе 5 стратных гаспадарак. Найбольшы мінус атрымаўся ў Сененскім райаграсэрвісе - 7.136 мільёнаў. Астатнія прадпрыемствы атрымалі больш за трохмільярдныя мінусы: Ульянавічы 3.246, Беленева 3.362, Туртлева 3.310, Літусава 3.532.
