Орша, Спорт

Аліна стала 6-й

29.05.2016 20:04

3020 праглядаў, 2 каментара

Адбыўся этап "Дыямантавай лігі" ў Юджыне. Аліна Талай - 6-я.

Аршанка Аліна Талай заняла 6-е месца на этапе "Дыямантавай лігі" ў амерыканскім Юджыне ў бегу на 100 метраў з бар'ерамі. Беларуска паказала вынік 12,85 секунды. Перамагла Кендра Харысан з ЗША, якая прабегла дыстанцыю за 12,24 секунды. Яна ледзь не пабіла сусветны рэкорд, які стаіць з 1988 года. Яго ўсталявала балгарка Ярданка Донкава, Харысан прайграла лепшаму выніку за ўсю гісторыю толькі 0,03 секунды. Другое і трэцяе месцы таксама дасталіся амерыканкам — Браяне Ролінз і Джэсмін Стаўэрс. З васьмі ўдзельніц Злучаныя Штаты не прадстаўлялі толькі беларуска Талай і Ціфані Портэр з Вялікабрытаніі. Яе нашай Аліне ўдалося абысці - брытанка стала 7-й з вынікам 12,9 секунды.