Юныя хакеісты маюць магчымасць атрымаць навуку ад фінскага спецыяліста Яка Хейкілі і шэрагу беларускіх трэнераў. Трэнінг палявых гульцоў адбудзецца з 21 па 30 чэрвеня. Заезд юных хакеістаў у Оршу плануецца 20 чэрвеня з 18:00 да 20:00. Летнік прадугледжвае наступнае навучанне: удасканаленне тэхнікі катання, тэхнікі валодання клюшкай, развіццё гульнявога мыслення. Падрыхтоўка да сезону пад кіраўніцтвам скандынаўскага спецыяліста Яка Хейкіля (Jaakko Heikkilä).
Групы: фармуюцца паводле ўзросту і ўзроўню падрыхтоўкі хакеіста. У групе ў аднаго трэнера 5-6 гульцоў. Колькасць удзельнікаў 25 (+/- 5) чалавек.
Праграма летніка будзе складацца з двух мікрацыклаў па 4 дні, 5 і 10-ты - дні аднаўлення.
Вас чакае:
- 2 заняткі на лёдзе па 75 хвілін (2,5 гадзіны ў дзень). У аднаўленчы дзень: адзін занятак на лёдзе 1,5 гадзіны;
- 2 заняткі на зямлі працягласцю 60 хвілін (2 гадзіны ў дзень);
- Заняткі ў басейне, барбекю, экскурсія ў аднаўленчы дзень;
- Тэарэтычныя заняткі, падрабязны разбор трэніровачнага дня.
Па заканчэнні лагера ўдзельнік атрымае памятную майку, сертыфікат і інш.
Трэнеры: Яка Хейкіля - трэнер "Дыскас U18" (Ювяскюля, Фінляндыя). Яка на працягу 4-х гадоў працуе ў сістэме клуба і лічыцца адным з самых перспектыўных трэнераў у юніёрскім хакеі на думку калегаў. Пад кіраўніцтвам Яка, у якасці галоўнага трэнера, яго каманда заняла трэцяе месца ў чэмпіянаце Фінляндыі ў гэтым сезоне.
- Кароль Уладзімір Яраслававіч - старшы трэнер мінскага СДЮШАР па хакеі з шайбай "Дынама"
-Ціток Павел Валер'евіч - трэнер Спартыўна-дзіцячай юнацкай школы алімпійскага рэзерву менскага гарадскога выканаўчага камітэта.
-Кулібаба Валерый Мікалаевіч - латвійскі спецыяліст, апошняе месца працы "Юніёр-Спутнік" (Ніжні Тагіл, Расея, Вышэйшая Хакейная Ліга).
Іншая інфармацыя ад арганізатараў:
Размяшчацца ўдзельнікі летніка будуць у двухмесных нумарах з усімі выгодамі. Рэжым харчавання: 4-х разавы.
Поўны кошт лагера складае 600 $ (дзейнічае сістэма зніжак). Пацвярджэнне ўдзелу - аплата ўзносу ў памеры 3 000 000 (300) бел. руб.
Калі Вы прыцягваеце з сабой таварыша, то кожны з Вас атрымае зніжку ў памеры 50 $. Кошт суправаджальніка, у які ўваходзіць харчаванне і пражыванне, складае 150 $ (у залежнасці ад катэгорыі нумару кошт можа мяняцца).
Паслугі транспарту: Калі Вы па якіх-небудзь прычынах не маеце магчымасці прывезці дзіцяці ў Оршу самастойна, арганізатары змогуць ажыццявіць трансфер з Мінска. Паслуга платная. Кошт у залежнасці ад колькасці жадаючых.
Уся інфармацыя: +375297119898 [email protected].
