Матчы "Оршы" і "Баранавічаў" заўсёды носяць прынцыповы характар, традыцыя не змянялася нават у кепскія для абедзвюх каманд часы. Гульня 26-га чэрвеня на стадыёне "Лакаматыў" у Баранавічах стане ўжо 33-й у гісторыі футбола. Футбольнаму змаганню двух буйных чыгуначных вузлоў Оршы і Баранавічаў у наступным годзе споўніцца ўжо шэсць дзясяткаў гадоў!

Першы матч супраць "чырвона-сініх" "Орша" правяла ў далёкім 1957 годзе. Тады гульня скончылася ўнічыю 1:1, а ў другім коле чэмпіянату БССР была перамога аршанскага ЗШМ (менавіта так называўся ў 57-м аршанскі клуб) 2:1.

Усяго ў чэмпіянаце БССР аршанцы выйгралі ў суперніка 8 матчаў з 20. У 10 гульнях была зафіксавана нічыя і толькі 2 разы перамаглі "Баранавічы". Вось усе вынікі супрацьстаянняў нашых клубаў (першая лічба ў ліку - колькасць галоў "Оршы"): 1957 г. – 1:1 і 2:1, 1966 г. – 0:2 і 0:0, 1973 г. – 1:1 і 2:1, 1975 г. – 2:2 і 1:1, 1976 г. – 0:2 і 0:0, 1977 г. – 1:1 і 2:1, 1978 г. – 1:1 і 1:0, 1981 г. – 1:1 і 1:0, 1982 г. – 1:0 і 3:1, 1983 г. – 1:1 і 1:0.

А вось вынікі сустрэч "Оршы" і "Баранавічаў" у чэмпіянатах незалежнай Беларусі: 1993/94 – 0:2 і 3:1, 2005 г. (у першай лізе) – 1:6 і 1:3, 2012 г. – 0:0 і 1:0, 2013 г. – 0:1 і 1:2, 2014 г. - 2:1 і 1:1. 2015 г. - 1:5, 0:0. 6 перамог заваявалі "Баранавічы", 3 нічыі і 3 перамогі "Оршы".

Такім чынам, клубы правялі паміж сабой 32 матчы. Баланс на карысьць "Оршы": +11=13-9. Праўда, па мячах “сіня-белыя” саступаюць 33:39.

Матч "Баранавічы" - "Орша" на стадыёне "Лакаматыў" у Баранавічах пройдзе 26-га чэрвеня і пачнецца а 18:00.