Першае здарэнне адбылося 12 ліпеня. 64-гадовы пенсіянер зайшоў у краму і як паведамляе прэс-служба міліцэйскага дэпартамента "Ахова" "безпрычынна" збіў прадаўшчыцу. Па нашай інфармацыі здарэнне адбылося ў краме Румено ў Чаромушках. Відавочцы падцверджваюць, што відавочных прычынаў для канфлікту не было і навошта пенсіянер накінуўся на сваю ахвяру не зразумела.
55-гадовая прадаўшчыца атрымала траўмы, міліцыяй вядзецца праверка.
Другі мардабой адбыўся 16 ліпеня каля 11 гадзін вечара. Група моладзі - каля 6 чалавек - каля ОРСаўскай крамы ў раёне чыгуначнага тэхнікума напала на аднаго мыжчыну. Канешне, супраціўляцца той не мог і, нават, пасля таго як той упаў на зямлю яны працягвалі наносіць яму ўдары, у тым ліку, і нагамі. Спынілася ўсё тады калі відавочцы вызвалі міліцыю. Як высветлілася, акрамя міліцыі спатрэбілася і хуткая дапамога. Па словах супрацоўнікаў міліцыі, "разборка" адбылася з-за жанчыны. На дадзены момант адзін з удзельнікаў нападу затрыманы. Але афіцыйнага падцверджання гэтай інфармацыі няма - у публічныя зводкі міліцыі яно яшчэ не патрапіла.
