Ноч на 25 ліпеня стала “спякотнай” для аршанскай міліцыі, але ў абодвух выпадках супрацоўнікі службы “102” спрацавалі прафесійна і аператыўна. Ліхадзеі скралі за ноч ажно дзве машыны, праўда, няма ніякай інфармацыі, была гэта адна арганізаваная група злачынцаў альбо злачынцы дзейнічалі паасобку і не былі звязаныя. А 1:00 скралі аўтамабіль ВАЗ-2101 1980 года выпуску, а праз гадзіну ад угону пацярпеў яго “брат” ВАЗ-21061, які быў выпушчаны ў 1990 годзе. Калі крадзеж першай аўтамашыны быў зафіксаваны толькі раніцай, то другі ўжо праз 20 хвілін пасля выкрадання. У вынікі абодва кіроўцы ўжо ў гэты ж дзень атрымалі з міліцыі станоўчыя звесткі – іх машыны адшукалі. Злачынцы ў абодвух выпадках выкрыты і знойдзены. Заведзены крымінальныя справы.
“Аўтамабільныя” злачынствы нярэдка адбываюцца ў Оршы апошнім часам. На мінулым тыдні ў горадзе зноў зафіксаваны крадзеж колаў, магчымасці перасоўвацца пазбавіўся “Пежо 306”.
