Многія жыхары Оршы з энтузіязмам успрынялі адкрыццё Лядовай арэны ў Оршы. Але праблемы паўстаюць не толькі з наборам персаналу, але і з катаннем на каньках і іншых паслугах.
У прыватнасці, наведнікі палаца адзначаюць, што правілы паводзінаў на лёдзе перад пачаткам сеансу не прагалошваюцца, акрамя таго ніхто не кантралюе і не абмяжоўвае колькасць людзей, з-за чаго часам паўстаюць праблемы. Больш за тое, на арэне падчас масавага катання адсутнічаюць медычныя работнікі. Лёд заліваецца не перад кожным сеансам, бо машына для заліўкі патрабуе паліва, якое абмежавана. Гадзінніка, па якім аршанцы маглі б адсочваць, колькі часу ім засталося да сканчэння сеансу, няма.
Зрэшты, пэўныя праблемы вынікаюць не толькі праз недапрацоўкі работнікаў арэны, а праз няўважлівасць саміх людзей. Так, некаторыя наведнікі не змаглі пакатацца з-за спаборніцтваў па шорт-трэку, пра якія было аб'яўлена загадзя.
