Орша, Эканоміка

Працавалі на склад

15.01.2014 22:02

2614 праглядаў, 1 каментар

Рэшткі гатовай нерэалізаванай прадукцыі на складах прамысловых прадпрыемстваў Аршаншчыны на 1 снежань 2013 склалі 353 мільёнаў рублёў.

Напружана працавалі ў апошнія месяцы мінулага года прамысловыя прадпрыемствы Аршаншчыны над выкананнем пастаўленых заданняў . Некаторыя дамагліся нават нядрэнных вынікаў. Але як аказалася , многія калектывы напружана працавалі на ... склад. Рэшткі гатовай нерэалізаванай прадукцыі на складах прамысловых прадпрыемстваў на 1 снежні 2013 г склалі 353 мільёнаў рублёў і павялічыліся ў параўнанні з 1 студзеня 2013 года на 61 мільярд рублёў , дэбіторская запазычанасць з пачатку года вырасла на 58 адсоткаў і склала 1 трыльён 525 мільярдаў рублёў. Прычым больш за палову дэбіторскай запазычанасці прыпадае на чатыры прадпрыемствы : ЗАТ «Экомол-Агра » , ААТ «Экомол» , РУВГП «Аршанскі льнокамбінат » і ААТ «Аршанскі малочны камбінат» . Раённае начальства запатрабавала ад кіраўнікоў гэтых прадпрыемстваў у бліжэйшы час скараціць наяўную запазычанасць на 50 адсоткаў.