Вячаслаў Салдаценка нечакана стаў асноўным брамнікам мужчынскай гандбольнай нацыянальнай зборнай Беларусі і зрабіўся галоўным адкрыццём чэмпіянату Еўропы-2016, які ў студзені прайшоў у Польшчы. Гульня маладога аршанца ўразіла гандбольных трэнераў і іншых спецыялістаў. Потым было арганізавана заўзятарскае галасаванне, і Вячаслава прызналі найлепшым маладым брамнікам свету.
Гандбольны клуб СКА (Менск) запускае неблагую ідэю - паставіць некаторым адметным гульцам клуба шчыты (бігборды) ў іх родных гарадах. Уганараваны і Вячаслаў Салдаценка. Шчыт з яго выявай з'явіцца на вуліцах Оршы бліжэйшым часам. А пакуль у сваёй суполцы "ЎКантакце" "армейцы" арганізавалі галасаванне за адзін з трох відаў шчыта. Галасаваць можна тут.
Тым часам, у Менску з'явіліся шчыты з іншай выявай Вячаслава Салдаценкі.
