Орша, Спорт

Матчы з "Фортэ" і "Аўтадорам"

24.08.2016 09:23

2841 прагляд, 0 каментароў

У спорткомплексе "Алімпіец" аршанскі "Вітэн" правядзе два таварыскія матчы.

Міні-футбольны клуб "Вітэн" напярэдадні згуляў дзве таварыскія гульні з менскімі "Аховай-Дынама" (перамога 3:2) і БЭМам (перамога 10:4). Цяпер "чырвона-чорныя" вярнуліся ў Оршу і трэніруюцца. Наперадзе - два таварыскія матчы. Спачатку ў сераду, 24-га жніўня аршанца згуляюць з магілёўскім "Фортэ", разам з якім прадстаўляюць Вышэйшую лігу беларускага міні-футбола. Паядынак пройдзе ў спартовым комплексе "Алімпіец" і пачнецца а 14:30. Наступны матч пройдзе на наступны дзень, у суперніках будзе смаленскі клуб "Аўтадор", што выступае ў 2-м дывізіёне чэмпіянату Расеі. Гэты матч таксама адбудзецца ў "Алімпійцы", час пачатку той жа самы - 14:30.