Орша, Спорт

"Арарат" выйграў у "Магілёва"

26.08.2016 11:27

3012 праглядаў, 4 каментара

"Арарат" правёў таварыскі матч з "Магілёвам".

Матч адбыўся ў Магілёве і прынёс поспех ерэванцам, якія ў новым сезоне будуць гуляць у Оршы. "Арарат" выйграў 5:4, шайбы ў армянскай каманды закідвалі Мураўёў, Феафанаў, Паўлаў, Манукян і Цярохін. Пасля пераможнага матчу галоўны трэнер "Арарата" Юрый Чух адзначыў, што некаторыя хакеісты клуба ў Магілёў не паехалі, а на праглядзе ў каманды былі шэраг расейскіх хакеістаў і тры хакеісты з Арменіі. Варта адзначыць, што для "Арарата" гэтая перамога вельмі пачэсная - каманда перамагла супернікаў з Экстралігі, на ўзровень вышэй за Вышэйшую лігу Беларусі, у якой стартуюць армяне неўзабаве.