Аршанец Вячаслаў Салдаценка выхоўваўся ў спартовай дзіцяча-юнацкай школе роднага горада, менавіта адсюль ён трапіў у легендарны менскі СКА, а затым у зборную Беларусі. Сёлета Вячаслаў быў прызнаны лепшым маладым галкіперам свету, да чаго прыклалі сваю руку і шаноўныя чытачы orsha.eu, якія галасавалі за Славу ў інтэрнэце.
У выніку наш зямляк быў прызнаны лепшым у сваім амплуа сярод маладых гандбалістаў, а ягоны клуб - сталічны СКА прыдумаў неблагую ідэю - размясціць фотапартрэты лепшых гульцоў клуба на шчытах у іх родных гарадах. Такім чынам, два гандбалісты СКА і зборнай Беларусі брамнік Вячаслаў Салдаценка і левы паўсярэдні Аляксей Хадкевіч цяпер маюць "асабістыя" шчыты ў роднай Оршы. Адзін з такіх плакатаў з Вячаславам Салдаценкам, напрыклад, размешчаны ў раёне "Раніца".
