Гаворка ідзе пра артыкул Аляксандра Шаўчэнкі на расійскім шавіністычным сайце карпарацыі "Енот". Аляксандар Шаўчэнка - казак з кампаніі сямейства Гаўрыліных, якія за апошні год патрапілі ў некалькі медыйных скандалаў. Упершыню ўвагу журналістаў Шаўчэнка прыцягнуў разам з Гаўрылінамі пасля сустрэчы са школьнікамі ў СШ №19 г. Оршы. Тады казакі раздавалі дзецям расійскія медалі, дэманстравалі сумніўную сімволіку, што і выклікала вялікі грамадскі рэзананс. Атрымаўшы шмат крытыкі ў свой бок, ад гэтых казакоў паспяшаліся адхрысціцца як царкоўныя органы, пры якіх клубы ствараліся і працавалі, так і афіцыйныя асобы.
Але не прайшло і году, як гэтая кампанія патрапіла ў яшчэ адзін скандал - яны адпраўлялі дзяцей з Беларусі, у тым ліку, з Аршаншчыны ў ваенна-патрыятычныя лагеры ў Падмаскоўі дзе інструктарамі для іх былі фашысты і садысты, маючыя досвед баявых дзеянняў на баку ДНР-ЛНР. Пасля гэтага выпадку меры прынялі і органы аховы правапарадку. Афіцыйна да адказнасці прыцягнуты ніхто не быў, але па выніках з'явіўся артыкул Шаўчэнкі, які распавёў што па факту дзейнасць гэтых казакоў прыпынена. У сваім артыкуле Шаўчэнка нападае на журналістаў, канкрэтна на газету "Наша Ніва", называючы, іх работу "прамымі даносамі". Не абыйшлося і без смешнага: Шаўчэнка ўсур'ёз абвінавачвае "Нашу Ніву" ў супрацоўніцтве з "Ісламскай дзяржавай". Менавіта з артыкуламі журналістаў Шаўчэнка звязвае шэраг праблемаў у казацкіх клубах, так, у 2014 годзе пробашч Друцкай праваслаўнай царквы не дапусціў кампанію Гаўрыліных да ўдзелу ў "Друцкіх зборах", пры гэтым, менавіта пры гэтай царкве іх клуб і ствараўся ў свой час. Далей казакі страцілі афіцыйны статус пры Віцебскай епархіі. А потым да непрыемнасцяў далучылася МУС. Афіцыйных прэтэнзій да гэтай кампаніі міліцыя не мае, але па словах Шаўчэнкі, у прыватнай размове кіраўнікам клубаў было сказана, што яны пад падазрэннем, і пры новай "інфармацыйнай нагодзе" да іх будуць прыменены меры ажно да дэпартацыі (казакі - грамадзяне Расіі). У выніку, клубы Гаўрыліных спынілі сваю дзейнасць.
Шаўчэнка ў артыкуле ўскосна абвінавачвае беларускія ўлады ў такім націску на казакоў, а ў канцы артыкула выстаўляе прамое абвінавачанне ў: "спрыянні беларускіх уладаў русафобскай дзейнасці "Нашай Нівы", як і ўсёй беларускай апазіцыі"
Пры выказванні абвінавачання ўладам, Шаўчэнка звяртаецца да расійскіх спецслужбаў і паліцыі, просіць іх звярнуць увагу на гэтае "спрыянне".
На фота: Аляксандар Шаўчэнка (з права) разам з Гаўрылінымі ў СШ №19
Паводле артыкула nn.by
