У Балбасава на стадыёне “Алімп” адбыўся таварыскі матч паміж футбольным клубам “Орша” і зборнай Оршы, складзенай з лепшых гульцоў аматарскіх каманд горада, якія бралі ўдзел у чэмпіянаце Аршанскага раёна. “Сіня-белыя” гулялі практычна мацнейшым сваім складам, аднак аматары далі бой галоўнай камандзе горада. У выніку “Орша” перамагла зборную горада, але з пачэсным для зборнай лікам 3:1. Галы за “Оршу” забівалі Знак, Грачыха і Вусачоў.
Гэты таварыскі матч стаў адным з асноўных этапаў падрыхтоўкі ФК “Орша” да заключных матчаў сезону. Іх у чэмпіянаце засталося толькі два. 29-га кастрычніка аршанцы на сваім полі прымуць менскі “Прамень”, а скончаць сезон на выездзе ў Светлагорск да “Хіміка” 5-га лістапада.
