Аршанцы з самых першых хвілін сустрэчы распачалі атакі на браму гаспадароў. На 37-й хвіліне фол светлагорцаў у сваёй штрафной прывёў да прызначэння пенальці. Максім Грачыха ўпэўнена рэалізаваў 11-метровы. 1:0 на карысць "сіня-белых"! У другім тайме была сур'ёзная траўма Міхаіла Краўчука, якога адвезлі на машыне хуткай дапамогі і выдаленне футбаліста "Хіміка". Аршанцы на 48-й хвіліне пасля трапнага стрэлу Аляксандра Кучарава падвоілі лік і практычна знялі ўсе пытанні. За ўсю гульню "Хімік" практычна не меў магчымасцяў забіць, аршанская абарона спрацавала надзейна. "Оршу" на выездзе падтрымліваў салідны "дэсант" фанатаў - 15 чалавек. Аршанцы перамаглі 2:0 і занялі 7-е выніковае месца ў турнірнай табліцы. Самае высокае ў чэмпіянатах незалежнай Беларусі.
Сайт orsha.eu правёў відэатрансляцыю сустрэчы наўпрост са Светлагорска.
