У Віцебскай абласной філармоніі прыдумалі зладзіць "Калядную музычную акадэмію". Яна дзейнічае ўжо чацвёрты год. На некалькі дзён у Віцебск прыязджаюць вядомыя музыкі з Менску, Санкт-Пецярбурга, Масквы і даюць урокі, майстар-класы юным музыкам.
Сёлета самых малодшым слухачом стаўся 10-гадовы Кірыла Атрошчанка з Барані. У Дзіцячай школе мастацтваў ён ужо 4 гады займаецца на фартэп'яна. Кірыла - ўладальнік прэміі Віцебскага аблвыканкама па падтрымцы таленавітай моладзі, а таксама дыпламант міжнародных музычных конкурсаў у Кіеве і Магнітагорску. У гарадах Ялта і Барлета 10-гадовы хлопец выйграваў конкурсы піяністаў.
Маці юнага таленту Галіна Высоцкая ў мэтах далейшага развіцця свайго сына прывезла яго ў Віцебск на майстар-клас Яўгена Старадубцава - выкладчыка кафедры спецыяльнага фартэп'яна Маскоўскай кансерваторыі імя П.І.Чайкоўскага. Падчас майстар-класу Кірыла Атрошчанка граў улюбёныя творы Баха, Бетховена, Грыга, Шапэна і Чайкоўскага. Сам арганізатар майстар-класу Яўген Старадубцаў назваў падрыхтоўку ўсіх удзельнікаў сустрэчы добрай.
