Уладзімір Караткевіч ствараў поўныя сэнсу і выразнасці вобразы сваіх літаратурных герояў. Уяўленне ў аршанца было неймаверным. Але мастак заўсёды бачыць па-свойму, перапрацоўвае, дадае нешта сваё.
Больш за год таму, 11 ліпеня, у турме загінуў беларускі мастак, перформер і палітвязень Алесь Пушкін. А сёння ў сталіцы Польшчы Варшаве праходзіць урачысты фінісаж выставы Алеся Пушкіна. Ён працаваў і з творчасцю Караткевіча.
Беларскі інстытут публічнай гісторыі адшукаў і апублікаваў малюнкі Алеся Пушкіна на творы Уладзіміра Караткевіча. Выявы са збораў Беларускага архіву. Пачатак 2000-х.
«Пагоня», «Сафія», «Мора», «Чорны замак Альшанскі», «Ладдзя роспачы» і іншыя творы знайшлі адлюстраванне ў эскізах і малюнках Пушкіна.
Хто ведае, можа быць ёсць сярод нас людзі, якія ўжо скарысталіся малюнкамі Пушкіна і набілі сабе частачкі твораў Караткевіча на целе? А можа быць, яшчэ збіраюцца гэта зрабіць?
