Кампанія "Хрюши против" займаецца змаганнем з няякаснай, пратэрмінаванай прадукцыяй у аршанскіх крамах. Падчас рэйдаў па некаторых буйных гандлёвых аб'ектах, валанцёры арганізацыі выявілі дзясяткі парушэнняў, сапсутыя памідоры, рыбу, пратэрмінаваныя дзіцячыя сокі, якія варта было даўно зняць з продажу, і многае іншае. Валанцёры просяць персанал крамаў разразаць нажніцамі ўпакоўкі з такой прадукцыяй, каб яны паўторна не трапілі на прылавак. Тым не менш і тут ёсць выключэнні — ў адной з крамаў упакоўкі з пратэрмінаванай прадукцыяй парэзалі нажніцамі, але пасля сыходу валанцёраў яны былі залепленыя скотчам і зноў вернутыя на вітрыны. Адным словам, актыўная дзейнасць "Хрушаў" атрымлівае водгук ад людзей. Нехта крытыкуе іх, нехта баіцца, а нехта паважае.
Хто такія "Хрюши против", чаму вырашылі рабіць свае рэйды, якія ў іх планы, мы высветлім у інтэрв'ю з актывістамі. Запрашаем чытачоў orsha.eu задаць пытанні, цікавыя, граматныя і актуальныя прагучаць. Пісаць пытанні можна як у каментарах пад дадзеным матэрыялам, так і ў сацыяльныя сеткі сайту.
