Па краіне прайшлі вулічныя акцыі пратэсту супраць дэкрэта №3, які ўводзіць падатак на тых хто не парцуе. Зараз акцыі прайшлі па абласных цэнтрах і сталіцы, а ў Віцебску рыхтуецца яшчэ адна акцыя на гэтыя выходныя. З аднаго боку, акцыі прайшлі не настолькі масава (2-3 тысячы ў Мінску і 1-2 тысячы ў Гомелі, па іншых гарадах на вуліцы выйшлі меньш за 1000 чалавек), але выклікалі неверагодны рэзананс - такой вулічнай актыўнасці ў краіне не было ўжо ледзь не 7 гадоў. Таму трансляцыі з акцыяў набіраць не верагодную для Беларусі колькасць праглядаў, а ў сацыяльных сетках вельмі актыўна абмяркоўваюць пытанні ці варта выходзіць на акцыі, ці не варта парышыць лозунгі і г.д. Абмяркоўваюць магчымасць правядзення падобнай акцыі пратэсту і суполках прысвечаных Оршы.
Праўда, па раённых цэнтрах акцыі пратэста праводзіць і не планавалася, але людзі абмяркоўваюць гэта пытанне актыўна. Калі ж дапусціць, што ў Оршы таксама будзе абвешчаны "Марш недармаедаў", то што рабілі б вы? Пайшлі б на акцыю, ці засталіся б дома і чаму? Галасуйце за свой варыянт у нашым новым апытанні на галоўнай старонцы сайта, калі ж падыходзячага вам варыянту сярод прапанаваных няма, то напішыце яго ў каментарах пад гэтым артыкулам. У сувязі з асаблівасцямі беларускага заканадаўства, каментары з заклікамі выйсці на плошчу ў канкрэтны дзень і час прапускацца не будуць.
