Блогер з Оршы Edgar Konstantin, сапраўднае імя Эдгар Вальвачоў, вядзе свой блог на YouTube з 2012 года. Нядаўна аршанец пачаў здымаць відэа і на тэму Дэкрэта аб сацыяльным утрыманстве. У відэа Эдгар распавёў пра свае неаднаразовыя паездкі ў вёску Александрыя, дарогі ў якой выглядаюць лепей за дарогі ў многіх буйных гарадах краіны. Таксама ў відэа "Шершуны. Куда Лукашенко тратит деньги с налогов?" блогер задаўся пытаннем, навошта кіраўніку дзяржавы ажно 17 рэзідэнцый.
На YouTube-канале ўжо 1,6 тысячы падпісантаў. Відэа пра рэзідэнцыі сабрала ўжо звыш 88 тысячаў праглядаў. Акрамя таго, блогер Edgar Konstantin увайшоў у топ-8 блогераў на тэму дармаедства па версіі "Нашай Нівы".
