У Сенненскім раёне каля вёскі Белянёва здарылася трагедыя. У сутыкненні аўтамабіляў Ford і "Нива" загінула 17-гадовая дзяўчына, а яшчэ чатыры чалавекі атрымалі траўмы рознай ступені цяжкасці. Трагедыя адбылася каля 14:00 24 траўня. Паводле папярэдняй інфармацыі, атрыманай з ДАІ, 21-гадовая кіроўца Ford Focus выехала на сустрэчную паласу на трасе Багушэўск - Какоўчын, дзе сутыкнулася з ВАЗ-2121 ("Ніва"), за стырном якой знаходзіўся 75-гадовы мужчына. 17-гадовая пасажырка "Форда" загінула ад атрыманых траўмаў на месцы. Іншыя чатыры ўдзельнікі дарожна-транспартнага здарэння дастаўленыя ў Віцебскую абласную клінічную бальніцу з траўмамі рознай ступені цяжкасці. Супраць 21-гадовая жанчыны, якая кіравала "Фордам", пачата крымінальная справа па частцы 2 артыкулу 317 Крымінальнага кодэксу РБ ("Парушэнне ПДР альбо эксплуатацыі транспартных сродкаў, якое пацягнула за сабой па неасцярожнасці смерць чалавека).
Правы маладая жанчына атрымала толькі ў студзені гэтага года.
Фота ДАІ УУС Віцебскага аблвыканкама
