Аддзел ідэалагічнай работы, культуры і па справах моладзі Сенненскага выканкама распрацаваў "План інфармацыйна-ідэалагічнага забеспячэння ўборачнай кампаніі". Рэалізацыя гэтага плану будзе ўскладзена на адказных за ідэалагічную працу ў сельскагаспадарчых арганізацыях, прафсаюзныя структуры, грамадскія актывісты, супрацоўнікаў райаддзелаў унутраных спраў і надзвычайных сітуацый, а таксама спецыялістаў райсельгасхарчу, піша раённая газета "Голас Сенненшчыны".
Ідэолагі лічаць, што для своечасовай і якаснай уборкі вырашчанага ўраджаю важна маральна і матэрыяльна стымуляваць удзельнікаў жніва на высокапрадукцыйную працу. А гэтаму павінна спрыяць стварэнне належных і бяспечных умоў працы, а таксама своечасовае інфармаванне аб ходзе жніва. Калі аб матэрыяльным стымуляванні ўсё больш-менш зразумела, то як будзе адбывацца маральная дапамога, стваральнікі плана пакуль не паведамілі.
