Рэсурс для дарослых (18+) Pornhub склаў рэйтынг сваіх карыстальнікаў у Беларусі. За першую палову 2017 года высветлілася, што ў беларусаў змянілася любімая катэгорыя. Акрамя таго, вызначаны гарады, жыхары якіх долей за ўсё затрымліваюцца на сайце. Аршанцы трапілі на 5-е месца рэйтынга, жыхары нашага горада, якія наведваюць гэты рэсурс "18+", у сярэднім праводзяць на старонцы 9 хвілін 14 секунд. Больш за ўсё толькі ў Баранавічах, Наваполацку, Мазыры і Менску.
8 хвілін 37 секунд у сярэднім праводзяць на сайце жыхары Маладзечна — гэта самы нізкі паказчык сярод беларускіх населеных пунктаў. Як паведамляе партал, 70 % яго наведнікаў — мужчыны, а 30 % складаюць жанчыны. Звычайная аўдыторыя — людзі ад 25 да 34 гадоў. Палова наведнікаў, як піша tut.by, заходзіць на сайт з настольных кампутараў, палова з планшэтаў і смартфонаў. Самая папулярная катэгорыя ў беларусаў на сайце — хентай, жанр японскай анімацыі.
Нагадаем, што ў Беларусі артыкуламі 343 і 343/1 забаронены выраб матэрыялаў з парнаграфіяй і прадметаў парнаграфічнага характару, распаўсюд порнаролікаў, у тым ліку матэрыялаў з выявай непаўналетніх. Таксама забаронена захоўванне з мэтай распаўсюду, публічная дэманстрацыя парнаграфічных матэрыялаў. Па некаторых частках артыкулу можна атрымаць да 13 гадоў зняволення.
Што датычыцца прагляду парнаграфіі, то яго не забараняе ніводная з нормаў законаў, якія дзейнічаюць у Рэспубліцы Беларусь. Але не ўсе людзі добра знаёмыя з законамі сваёй краіны, а таму трапляюцца на вуду махляроў. Сёлета ў судзе Оршы і Аршанскага раёна была асуджана група махляроў, якая пад выглядам супрацоўнікаў міліцыі штрафавала грамадзян за візіты на порнасайты. У злачынную групу ўваходзілі трое аршанцаў, жыхар Менска і трое грамадзянаў Расеі.
