Аршанскі міні-футбольны клуб “Вітэн” узмоцнена рыхтуецца да новага сезону. У каманду прыходзяць футбалісты, якіх трэнерскі штаб бачыць важнымі звёнамі каманды. Адзін з такіх перайшоў у лагер “чырвона-чорных” з “Лідсельмаша”. Дзмітрый Клачко адзін з найбольш забіўных гульцоў айчыннага чэмпіянату па міні-футболе. У мінулым сезоне, яшчэ выступаючы за “Лідсельмаш”, Клачко забіў 25 галоў.
Раней з аршанскай каманды сышлі чацвёра гульцоў: Яўген Дунаеў, Павел Ліхач, Аляксандр Умпіровіч і Максім Філіпаў. Але каманда знайшла і замену ім. З Украіны прыехалі Аляксандр Сарокін з харкаўскага "Лакаматыва" і Іван Кардоба з львоўскай "Энергіі". З менскага МАПІДа прыйшоў Сяргей Сілівончык, а з "Барысава-900" Арцём Казёл. Будзе выступаць за асноўную каманду "Вітэна" ў новым сезоне і былы гулец футбольнай "Оршы" Андрэй Раманаў, які мінулы год правёў у "Вітэне-2".
Фота сайту “СпортНавіны”.
