Орша, Спорт

Сербы прагулялі без шанцаў

13.08.2017 16:03

2872 прагляду, 0 каментароў

Бялградская "Црвэна Звэзда" на Лядовай арэне Оршы саступіла моладзевай зборнай Беларусі.

Матч адбыўся на аршанскай Лядовай арэне ў межах 2-га туру Кубка Руслана Салея (Кубка Беларусі). Далася ў знакі адсутнасць дамоўленасці паміж арганізатарамі гульняў - атрымалася, што ў суботу адначасова, а 17:00 пачыналіся футбольны матч І лігі з удзелам "Оршы" і хакейны матч Кубка Беларусі. Хакейная сустрэча сабрала 498 гледачоў. Вялікіх шанцаў супраць маладых беларускіх хакеістаў, як высветлілася, "Црвэна Звэзда" не мела, беларуская "маладзёжка", складзеная з хакеістаў, не старэйшых за 20 гадоў, упэўнена разбіла сербаў з лікам 6:2. Пасля двух тураў Кубка моладзевая каманда Беларусі мае 1 перамогу і 1 паразу, у "Црвэны Звэзды", якая бярэ ўдзел у Кубку нашай краіны па-за конкурсам, 2 прагуляных матчы.