Лявон Баразна, ураджэнец Талачыншчыны, знакавая фігура для беларускага "Адраджэння" - мастак, этнограф, культурніцкі актывіст пасляваеннага часу. Ён быў вельмі заўважным мастаком, але акрамя таго меў шэраг карысных для беларускай культуры захапленняў. Напрыклад, Лявон збіраў беларускія арнаменты, якія і сёння захоўваюцца ў адмысловых фондах. Разам з тады яшчэ малавядомым Зянонам Пазняком Баразна стварыў "Таварыства матараў беларускай культуры", не рэдка ўступаў у спрэчкі з вышэйшым партыйным кіраўніцтвам краіны. Таму 15 жніўня на талачынскіх могілках, куды сабраліся прыхільнікі Беларушчыны з Мінска, Талачына, Оршы, Крупскага раёна гучалі многія ўзнёслыя словы ў гонар Лявона Баразны. У гэтым годзе споўнілася 45 год з дня забойства мастака, якое шмат хто лічыць спланаванай акцыяй спец.службаў.
На могілкі прыехалі і калегі Баразны - мастакі Мікола Купава, Генадзі Драздоў, Алесь Пушкін, браты Анішчанкі ды іншыя. Пасля кароткага набажэнства, шчырых узнёслых прамоваў усе сабраўшыеся накіраваліся ў талачынскі музей, дзе ў гонар земляка ёсць асобны стэнд.
