Сёння ў краіне і за яе межамі праходзіць даволі шмат мерапрыемстваў прысвечаных Бітве пад Оршай. Галоўная ўвага будзе прыцягнута да мерапрыемстваў у Мінску, там акрамя культурніцкіх і гістарычных імпрэзаў, пройдуць дзве палітычныя акцыі, у тым ліку, несанкцыянаваная.
У публічнай прасторы пра мерапрыемствы ў Оршы загадзя не паведамлялася, але, відавочна, што святкаванні адбудуцца і ў нас. Пасля 2006 года ўлады ўсяляк замінаюць правядзенню святкавання на Крапівенскім полі (выключэнне склаў мінулы год, калі некалькім чалавекам упершыню за шмат гадоў не перашкодзілі разбіць палатачны гарадок на традыцыйным месцы святкавання), таму загадзя аршанскія падзеі не анансуюцца. Ужо з раніцы 8 верасня аршанцы, якія бывалі ў цэнтры маглі пабачыць бел-чырвона-белыя сцягі з'явіўшыеся ў розных месцах Оршы, у тым ліку і каля маста праз Днепр.
На самім Крапівенскім полі сёння святкаванне будзе даволі імправізацыйнае: другі дзень да Гацькаўшчыны едуць людзі, каб ускласці кветкі, памаліцца, пачытаць вершы і г.д.
