Усё меньш часу застаецца для магчымых падачаў прапаноў для генеральнага плану Оршы. Пры гэтым, вялікай актыўнасці гараджане ў яго абмеркаванні не прынялі. Хаця падаць свае прапановы можна яшчэ да 5 кастрычніка. Што ж такога на сёняшні дзень закладзена ў гэтым дакуманце?
Насамрэч, план вельмі вялікі і каб апісаць яго цалкам трэба аж занадта шмат тэксту - кожная вуліца і, нават, завулак па новым плане маюць сваё прызначэнне. Таму тут мы адзначым асноўныя, найбольш важныя моманты плану.
Па-першае, чыноўнікі не адмовіліся ад ідэі аб'яднаць горад Оршу і Барань. Гэта было прапісана і ў мінулы генеральным плане, які не быў выкананы да канца. У новым плане гэтая ідэя таксама прапісвалася. Розніца ў тым, што папярэдні план прадугледжваў аб'яднанне двух гарадоў праз пашырэнне і развіццё вёсак Дачная і Татарск. У новым плане пад жылую прыватную забудову прапануецца аддаць тэрыторыю На беразе Адроўкі ад возера Шчацінкаўскае і да самой Барані. Такім чынам тут замест сёняшняй рэкрэацыйнай зоны з'явіцца жылая забудова з грамадскімі цэнтрамі (хутчэй за ўсё гэта крамы). Уздоўж новага раёна пройдзе і новая дарога - зараз яна называецца "Проектируемая №1".
Другі кірунак пашырэння горада - гэта далейшаебудаўніцтва трэцяга мікрараёна Салянікава. Вакол возера Шчацінкаўскага гэта не адзіная закладзеная змена. Так, у лесе паміж кар'ерам і вуліцай Самусіка (раён Лясныя) будзе створана вайскова-спартовы комплекс, які прадугледжвае дэманстарцыю вайсковай тэхнікі: танкі і таму падобнае, якія тут будуць яшчэ і ездзіць.
Увогуле новых дарогаў у горадзе павінна з'явіцца даволі шмат. Самая важная з іх дарога, якую можна назваць кальцавой. Прадугледжваецца, што яна будзе распачынацца ад вуліцы 60 год БССР, у тым месцы дзе гэтая вуліца паварочвае на Воз-ан-Влен яна атрымае працяг, пойдзе за гаражы ўздоўж леса і каля былой вайсковай частцы (сёння тут Вадаканал) выйдзе на Магілёўскую шашу. Зрабіўшы скрыжаванне на Магілёўскай дарога поёдзе далей вакол трэцяга мікрараёна, стварыючы скрыжаванні з вуліцай Горацкай, Дубровенскай, а потым вернецца ў горад стаўшы часткай вуліцы Чарнышэўскага. Адпаведна тут павінен быць і трэці ў Оршы мост праз Днепр.
Яшчэ адна даволі важная дарога павінна аб'яднаць Андрэеўшчыну і Гразілаўку праз мясцовы лес. Пры тым, што ў праэкце запланавана даволі шмат новых дарогаў, планам не прадугледжана будаўніцтва нейкага новага заезду ўнутар чыгуначнага кальца. Адпаведна, "бутэлечнае горлышка" паміж райнамі Усходні і Чаромушкі так і застанецца адзіным у сваім родзе. Але на прэзентацыі было сказана, што гэтае месца будзе палепшана.
Раней паведамлялася, што пасля будаўніцтва новай гарадской бальніцы, усе астатнія бальніцы будуць перавезены ў цэнтар. Так, адна бальніца на Заходняй ужо зачынена і ў плане прапісана будаўніцтва на яе тэрыторыі гандлёвага цэнтры і шматкватэрных дамоў. Але другая бальніца на Заходняй ў плане так і пакінута як медычная установа. Гэта значыць, што яна будзе дзейнічаць да 2030 года без пераезду.
Даволі арыгінальным выглядае рашэнне выдзяліць пад зону прыватнай жылой забудовы тэрыторыю з трох бакоў абмежаваную рэйкамі каля Інструментальанга заводу, бо з-за блізкасці чыгункі з усіх бакоў гэтае месца не выглядае прывабным для пражывання. Нагадаем, што мы адзначылі толькі найбольш важныя пункты генеральнага плану.
Азнаёміцца з ім цалкам можна яшчэ ў панядзелак 25 верасня, калі ў фае выканкаму план будзе экспанавацца апошні дзень. А свае прапановы можна ўносіць у план да 5 кастрычніка.
