Орша, Грамадства

Старэйшая за свайго дзеда (відэа)

12.10.2017 11:30

3042 прагляду, 0 каментароў

Спачатку запаленне апендыцыта, потым расстрэл

Цікавае відэа з'явілася ў інтэрнэт-прасторы пасля нядаўняй экскурсіі на Кабыляцкую гару. Нагадаем, што перад дыскусіяй "Смяротнае пакаранне і масавыя рэпрэсіі", якая адбылася пад Оршай 6 кастрычніка, частка яе ўдзельнікаў наведалі ўрочышча Кабыляцкая гара, дзе была арганізавана экскурсія. Экскурсія была запланаваная для ўдзельнікаў з іншых гарадоў - тых людзей, якія ніколі тут не былі. Але на экскурсію прыйшла і Ларыса Маркаўна Арэшына, якая даведалася пра яе праз наш сайт. Яна прыйшла не проста так - яе родзічы былі рэпрэсаваныя, а дзед растраляны ў Оршы. Дзе дакладна - не вядома, але жанчына кожны год у дзень растрэла свайго дзеда ходзіць на Кабыляцкую гару, каб ускласці кветкі. Ларыса Маркаўна мае на руках два пасведчанні аб смерці свайго дзеда - адно пра тое, што мужчына памёр ад запалення апендыцыта, а другое пра тое, што ён растраляны. Даследчык сталінскіх рэпрэсій у Оршы Юрка Копцік падцверджвае словы жанчыны: многім давалі даведкі, што іх родзіч памёр ад нейкай хваробы, а потым аказвалася, што іх растралялі.

Самой Ларысе Маркаўне сёння трохі за 60, яе дзеду ў час растрэлу было 40 з невялікім. Відэа з экскурсіі прапануем вашай увазе: