Аршанскі льнокамбінат плануе заснаваць новую вытворчасць. Гэта будзе вытворчасць па пашыве адзення. Да льнокамбінату, паводле плану, будзе далучана адно са швейных прадпрыемстваў Віцебскай вобласці. Як паведамляе БЕЛТА, гэта прадпрыемства мае неабходную матэрыяльна-тэхнічную базу, кадравы патэнцыял і вопыт пашыву вырабаў з ільняных тканін.

Падыходзячае прадпрыемства льнокамбінат ўжо вызначыў і правёў падрыхтоўчую работу па яго далучэнні. Адпаведная дакументацыя накіравана на разгляд у абласныя і рэспубліканскія органы ўлады. Пакуль жа на Аршанскім ільнокамбінаце распрацоўваецца першая калекцыя льнянога адзення з удзелам уласных і прыцягнутых дызайнераў.

Рэалізацыя праекту дасць магчымасць наладзіць уласны выпуск адзення (у цяперашні час льнокамбінат выпускае толькі хатні тэкстыль), а таксама павялічыць долю рэалізацыі гатовай прадукцыі на экспарт. Геаграфія паставак Аршанскага льнокамбіната ўключае больш за 40 краін свету. Доля экспарту тканін і швейных вырабаў складае 70%, астатняе рэалізуецца на ўнутраным рынку. На аптовую рэалізацыю прыпадае больш за 68% прадукцыі, у розніцу - каля 32%. Удзельная вага Расеі і іншых краін СНД у агульным аб'ёме экспарту складае больш за 18%. На краіны Еўразвязу прыпадае каля 47%.