Сапраўдны жывы помнік бязглуздасці і безадказнасці знаходзіцца на вуліцы 60 год БССР у Оршы. Наўпрост на праезнай частцы знаходзіцца адкрыты люк, на якім адсутнічае накрыўка. Небяспека пазначана шэрым кавалачкам пліткі і галінкай з дрэва. Варта адзначыць, што патрапленне кола аўтамабіля ў адкрыты люк не раз прыводзіла не толькі да злому машыны і траўмаў пасажыраў, але нават і да людскіх смерцяў. Фотаздымак адкрытага люку змясціла ў сваім фэйсбуку аршанка Валянціна Ігнаценка. Камунальныя службы праінфармаваныя пра неабходнасць ліквідацыі праблемнай зоны.
Адкрытыя люкі, у якія трапляюць машыны і людзі, на жаль, не навізна для Аршаншчыны. Такое адбывалася не аднойчы. Да прыкладу, адкрыты люк у Дуброўне, куды трапіла машына і адкрытыя люкі па вуліцы Салянікава, якія пэўны час пагражалі аўтамабілям.
