Пасля вясновых акцыяў пратэсту прэзідэнт абвесціў пра неабходнасць падняць Оршу "з руінаў і попелу". Адным з цэнтральных пунктаў праграмы - дарэчы, пакуль так і не прынятай - павінна была стаць дапамога аршанскаму інструментальнаму заводу. Напрацягу года пра завод шмат гаварылася. А канкрэтна пра тое, якая сума дапамогі будзе і на што яна пойдзе. Падобна на тое, што па Інструментальным заводзе ўжо стала зразумела, куды патрацяць сродкі. Праўда, выдзяляемая сума аказалася амаль у тры разы меньшай, чым перашпачаткова агучаная.
На пачатку года называлася прыблізная сума дапамогі ў 62 мільёны даляраў, цяпер агучана сума ў 48 мільёнаў рублёў (каля 24 мільёнаў даляраў). Гэтыя сродкі пойдуць на набыццё каля 80 адзінак новага абсталявання і рамонт існуючага вытворчага корпуса (раней гаварылася пра магчымасць будаўніцтва новага корпуса).
