Кіраўнік Віцебскай вобласці Мікалай Шарснёў заявіў, што перад Аршаншчынай стаіць задача падвоіць паказчыкі, а дзеля гэтага трэба будаваць новыя вытворчасці у горадзе і раёне, як у прамысловасці, так і ў сельскай гаспадарцы. Мікалай Шарснёў падкрэсліў, што праекты ў сферы АПК ужо прапрацаваныя дэталёва.
"Будзем будаваць ферму на 1,2 тыс. галоў дойнага статку ў Вусці, новая малочнатаварная ферма на такое ж пагалоўе з'явіцца ў "Цяплічным". Фермы на 2 тыс. дойнага статку будуць узведзены ў "Юбілейным", у в. Чурылава. Завершым рэканструкцыю МТФ у Ларынаўцы, — падзяліўся планамі з БЕЛТА кіраўнік вобласці. Ён таксама паведаміў, што маштабная мадэрнізацыя чакае свінагадоўчы комплекс "Задняпроўскі" - абнаўленне будзе звязана з будаўніцтвам свінарэпрадуктара.
Узвядзенне новых комплексаў патрабуе развіцця перапрацоўчых прадпрыемстваў. І гэтыя пытанні прапрацоўваюцца ў комплексе. "Будзе весціся мадэрнізацыя Аршанскага малочнага камбіната, запланавана будаўніцтва новага забойнага цэха на мясакансервавым камбінаце", — сказаў Мікалай Шарснёў. Ён адзначыў, што па пералічаных праектах ўжо прынятыя канчатковыя рашэнні, вызначаны крыніцы фінансавання.
