16-га студзеня ў Любаньскім раёне адбылася трагедыя. На 37-м кіламетры аўтадарогі Р57 Кучына - Любань - Ветчын каля вёскі Орлева Любаньскага раёну цягач МАН з паўпрычэпам Schmitz SК024L наехаў на 60-гадовага раварыста. Мужчына сканаў на месцы. Начальнік аддзелу агітацыі і прапаганды ДАІ Менскага аблвыканкама Алег Цюрын распавёў "СБ" падрабязнасці:
Згодна з ПДР рух на роварах павінна ажыццяўляцца па ўзбочыне, а ў тых выпадках, калі гэта немагчыма, - не далей аднаго метра ад правага краю праезнай часткі. Гэты ж раварыст, па папярэдняй інфармацыі, ехаў па цэнтры дарогі. У выніку, хоць на ровары былі катафоты, усё скончылася трагічна. Пасля наезду MAN, якім кіраваў жыхар Віцебскай вобласці 1975 года нараджэння, раварыст памёр.
Як стала вядома нашай рэдакцыі, 42-гадовы жыхар Віцебскай вобласці паходзіць з Оршы. Узбуджана крымінальная справа.
Фота ДАІ Менаблвыканкама
