І ў Дуброўна і ў Оршы віцебчане выступалі разам з мясцовымі жыхарамі. Так, у Дуброўна пісьменнікі выступілі ў мясцовай школе №1. З мясцовых разам з пісьменнікамі выступіла фіналістка конкурсу "Размаўляем па-беларуску з Velcom" Паліна Капылова, якая таксама пачытала вершы, праўда, не ўласнага сачынення за што атрымала ад гасцей альманах "Ратуша".

У Оршы пісьменнікі выступілі на адным з грамадскіх офісаў. Першым пачаў выступ самы старэйшы з прыехаўшых Уладзімір Папковіч. Ён прачытаў некалькі сваіх лірычных вершаў, распавядаючы паміж вершамі смешныя гісторыі з уласнага жыцця.

Галіна Сінякова распавяла пра сваю паэму пра Ефрасінню Полацкую - паэма зараз пішацца на рускай і беларускай мовах. І па-сутнасці ўяўляе з сябе жыціе святой ў вершаваным выглядзе. Таксама паэтэса прачытала свае вершы на беларускай мове, а адзін верш, нават, праспявала, што не дзіўна - у выглядзе песні гэты верш выконвае Анатоль Ярмоленка з "Сябрамі".

Наступнай слова далі аршанцы Яўгеніі Казловай, якая прачытала вершы прысвечаныя Оршы, Рыгору Барадуліну і праспявала песню на ўласны верш напісаную выпадковай знаёмай, якая працавала ў шапіку не далёка ад дома Яўгеніі.

Самы малады з прыехаўшых пісьменнікаў - Аляксандар Пісчык пачаў з вершаў для дзяцей, а скончыў вершамі пра каханне.

Старшыня абласнога саюзу пісьменнікаў Настасся Лазебная піша прозу, таму яна прачытала ўрывак аднаго са сваіх твораў апублікаванага ў трэцім нумары альманаху "Ратуша", распавяла пра сам альманах і трохі распавяла вясёлых выпадкаў са свайго жыцця.