Беларусь, Здарэнні

Не вярнуў крэдыт - махляр

29.01.2018 09:28

3233 прагляду, 0 каментароў

Крымінальную справу могуць завесці на аршанца, які не можа вярнуць крэдыт банку

У прынцыпе, не вяртанне крэдыта своечасова паводле Беларускага заканадаўства не крымінальная справа - банк можа падаць у суд, каб той вымусіў атрымальніка крэдыта вярнуць грошы. Але ў дадзеным выпадку 32-гадовы аршанец мэтанакіравана ўвёў у зман работнікаў банку, паведаміўшы ім пра ўзровень даходаў, які не мае. Пра гэта паведамляе газета "СБ-Беларусь сегодня" са спасылкай на афіцыйнага прадстаўніка Ленінскага РАУС МАгілёва Алену Сіманаву. Па яе словах, аршанец нідзе не працаваў і ведаў, што не зможа вярнуць крэдыт. А гэта ўжо міліцыя спрабуе трактаваць як махлярства. Агулам гаворка ідзе пра 2.500, якія ўзяў мужчына і за якія цяпер можа атрымаць да трох год пазбаўлення волі.