На вялікі жаль, абвастрэнне дыхальнай сістэмы, хвароба бронхаў у аршанца Сяргея Далідовіча аказалася куды больш сур'ёзнай, чым многія думалі. 11-га лютага Сяргей выйшаў на дыстанцыю скіятлону, аднак сышоў па ходу гонкі. У яго зафіксаваны дыягназ "захворванне дыхальных шляхоў". Арганізатарам Алімпійскіх гульняў ужо даслана паведамленне пра тое, што Далідовіч з-за праблемаў са здароўем не зможа ўдзельнічаць у наступных гонках. Сяргей накіраваны з Паўднёвай Карэі ў Менск на паглыбленае медычнае абследванне, такія рэкамендацыі даў медычны штаб нацыянальнай каманды Беларусі. Такім чынам, Алімпіяда для Сяргея скончана.
Рэдакцыя orsha.eu жадае знакамітаму аршанскаму спартоўцу хутчэй аднавіцца ад усіх праблем са здароўем.
