Гаворка ідзе пра камунальнае унітарнае прадпрыемства бытавога абслугоўвання насельніцтва Аршанскага выканкаму. Прыблізна восенню гэтае прадпрыемства западозрылі ў нясплаце падаткаў і з тае пары ішло разбіральніцтва. Нарэшце 19 лютага суд павінен вынесці сваё рашэнне ў дачыненні да бухгалтара прадпрыемства і дырэктара прадпрыемства Алены Чулец.
Так званыя камбінаты бытавога абслугоўвання ствараліся ў краіне яшчэ ў савецкія часы - яны трымалі цырульні, пральні, швейныя атэлье і г.д. Але пасля частковага пераходу да рынкавай эканомікі гэтыя прадпрыемствы пачалі банкрутавацца з-за сваёй неактуальнасці - у насельніцтва з'явіліся магчымасці купляць сучасную бытавую тэхніку кшталту пральных машынаў, а цырульні і атэлье ўсё больш станавіліся прыватнымі і таму больш канкурэнтаздольнымі. Цяжкая сітуацыя і на аршанскім прадпрыемстве бытавога абслугоўвання.
