На сваёй пляцоўцы на паркеце "Лакаматыва" аршанскія баскетбалісты з каманды "Сяргееў В" выйгралі матч рэгулярнага чэмпіянату Віцебскай абласной непрафесійнай баскетбольнай лігі. На лапатках апынуўся дзейны чэмпіён лігі "Скарпіён"!
Прычым адметна, што "транспартнікі" не аддалі супернікам ніводнай чвэрці ў матчы. Перавага аршанцаў заўсёды была "на валаску", аднак агульная сума балаў вырасла ў перавагу "+9" па выніках матчу. Аршанцы перамаглі 85:76. Паводле статыстыкі vitonbl.by, самым выніковым у аршанскай камандзе стаў Ягор Аўчыннікаў, які набраў 39 пунктаў. Андрэй Рудакоў набраў 15 балаў. У "Скарпіёна" 20 балаў набраў Уладзіслаў Купрыянаў.
Пасля перамогі "Сяргееў В" набраў 10 пунктаў і выйшаў на 2-гі радок у табліцы. Вышэй толькі "БЛ Груп", у якога 12 пунктаў.
