Сказаць, што беларускія рабочыя могуць адчуваць сябе вольна на працы немагчыма — пра працоўную дысцыпліну гаворыцца нават на стратных прадпрыемствах і на тых, чыя прадукцыя не знаходзіць пакупніка. Для гэтага ёсць шмат кантралёраў, інструкцыяў і г.д. Дадатковыя меры па ўзмацненні "працоўнай і выканаўчай дысцыпліны" ўвялі нядаўна на Ільнокамбінаце. Паводле загаду, які перадалі нам работнікі прадпрыемства, цяпер начальства будзе кантраляваць, ці ўвесь рабочы час работнікі прысвячаюць працы. Для гэтага начальства цяпер будзе кантраляваць, ці не знаходзіцца работнік у рабочы час "в гардеробах, буфетах, столовой, фойе, на центральной проходной предприятия и других помещениях". З іншага боку, нельга прыходзіць на прадпрыемства і не ў свой працоўны час. Цяпер, калі работнік на бальнічным або ў адпачынку, то, паводле загаду яго электронны пропуск будзе блакавацца, для "недопущения прохода на территорию предприятия в нерабочее время".
Яшчэ адзін пункт гаворыць, што работнікам нельга праносіць на працу "предметов и вещей, не предназначенных для личного применения во время выполнения трудовых обязанностей". Але пры гэтым спіс такіх рэчаў не прыводзіцца.
